Идел буе спорт университеты вәкилләре, ректор Рафис Борһанов җитәкчелегендә, алдагы уртак эш планнары турында фикер алышу өчен, Казан дәүләт медицина университетында булдылар. Югары уку йортлары арасында Биохимия, генетика, физиология һәм спорт медицинасы өлкәсендәге фәнни тикшеренүләр һәм проектлар гамәлгә ашырыла.
Аерым алганда, Идел буе университетының физик культура һәм спорт фәнни-тикшеренү институтының медицина-санитария бүлеге базасында Казан дәүләт медицина университетының тернәкләндерү һәм спорт медицинасы кафедрасы ординаторлары практика уза. Киләсе уртак чара-«Казан спорт табиблары клубы»V Бөтенроссия фәнни-гамәли конференциясе. Ул спорт университетында 21-22 майда узачак һәм спорт медицинасы өлкәсендә хезмәттәшлекнең әһәмиятен ассызыклап, хезмәттәшлеккә яңа этәргеч бирәчәк. Шунысын да билгеләп үтәргә кирәк, ике югары уку йортының аралашуы кадрларны күп профильле әзерләүгә һәм спорт тармагы үсешенә, шул исәптән торгызу һәм реабилитацияләүнең алдынгы методикаларын кертүгә уңай йогынты ясый.
Казан ДМУ матбугат хезмәте материаллары буенча
